ಹಂಚಿಕೆ, ಬಿಡುಗಡೆ, ವೆಚ್ಚದಲ್ಲಿ ಭಾರೀ ವ್ಯತ್ಯಾಸ; ಕೆಡಿಪಿ ಸಭೆ, ಅವಲೋಕನ ವೆಬ್‌ಸೈಟ್‌ನಲ್ಲಿನ ಅಂಕಿ ಅಂಶಕ್ಕಿಲ್ಲ ತಾಳಮೇಳ

ಬೆಂಗಳೂರು;  2024-25ನೇ ಸಾಲಿನ ಬಜೆಟ್‌ನಲ್ಲಿ ಒದಗಿಸಿದ್ದ ಅನುದಾನ ಹಂಚಿಕೆ, ಬಿಡುಗಡೆ ಮತ್ತು ವೆಚ್ಚಕ್ಕೆ ಸಂಬಂಧಿಸಿದ ಅಂಕಿ ಅಂಶಗಳು ಸರ್ಕಾರದ ಅಧಿಕೃತ ಜಾಲತಾಣವಾದ ಅವಲೋಕನ ಮತ್ತು ಕೆಡಿಪಿ ಸಭೆಯಲ್ಲಿ ಮಂಡಿಸಿದ್ದ ಅಂಕಿ ಅಂಶಗಳ ಮಧ್ಯೆ ಬಹಳಷ್ಟು ವ್ಯತ್ಯಾಸ ಕಂಡು ಬಂದಿದೆ.

 

ಇದೇ ಮಾರ್ಚ್‌ 7ರಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ದಾಖಲೆಯ ಬಜೆಟ್‌ ಮಂಡಿಸುತ್ತಿರುವ ಹೊತ್ತಿನಲ್ಲೇ ಬಜೆಟ್‌ಗೆ ಸಂಬಂಧಿಸಿದಂತೆ ಅಂಕಿ ಅಂಶಗಳ ಕುರಿತಾಗಿ ಸರ್ಕಾರಿ ವೆಬ್‌ಸೈಟ್‌ ಮತ್ತು ಕೆಡಿಪಿ ಸಭೆಯಲ್ಲಿ ಇಲಾಖೆಗಳು ಮಂಡಿಸಿದ್ದ ಅಂಕಿ ಅಂಶಗಳ ಮಧ್ಯೆಯೇ ತಾಳಮೇಳ ಇಲ್ಲದಿರುವುದು ಚರ್ಚೆಗೆ ಗ್ರಾಸವಾಗಿದೆ.

 

ಅಂಕಿ ಅಂಶಗಳ ಮಧ್ಯೆ ಕಂಡು ಬಂದಿರುವ ವ್ಯತ್ಯಾಸವು,   2025ರ ಫೆಬ್ರುವರಿ ಅಂತ್ಯಕ್ಕೆ ಒಟ್ಟು ಎಷ್ಟು ಕೋಟಿ ರು ಬಿಡುಗಡೆಯಾಗಿದೆ,  ಎಷ್ಟು ವೆಚ್ಚವಾಗಿದೆ ಎಂಬುದರ ಕುರಿತಾದ ಮಾಹಿತಿ ಬಗ್ಗೆ ಗೊಂದಲಗಳಿಗೆ ದಾರಿಮಾಡಿಕೊಟ್ಟಂತಾಗಿದೆ.

 

2024-25ನೇ ಸಾಲಿನ ಆಯವ್ಯಯಕ್ಕೆ ಸಂಬಂಧಿಸಿದಂತೆ ಸರ್ಕಾರದ ಅಧಿಕೃತ  ಅವಲೋಕನ ವೆಬ್‌ಸೈಟ್‌ನಲ್ಲಿನ ಅಂಕಿ ಅಂಶಗಳ ಪ್ರಕಾರ 3,22.045.31 ಕೋಟಿ ರು ಅನುದಾನ ನಿಗದಿಯಾಗಿದೆ. ಆದರೆ ಮುಖ್ಯ ಕಾರ್ಯದರ್ಶಿ ಅಧ್ಯಕ್ಷತೆಯಲ್ಲಿ 2025ರ ಫೆ.15ರಂದು ನಡೆದಿದ್ದ  ಕೆಡಿಪಿ ಸಭೆಗೆ (ಫೆಬ್ರುವರಿ 10ರ ಅಂತ್ಯಕ್ಕೆ) 3,25,995.13 ಕೋಟಿ ರು ಎಂದು ನಮೂದಿಸಿದೆ. ಒಟ್ಟು ಅನುದಾನಕ್ಕೆ ಸಂಬಂಧಿಸಿದಂತೆ 3,949.82 ಕೋಟಿ ರು ವ್ಯತ್ಯಾಸ ಕಂಡು ಬಂದಿದೆ.

 

ಅದೇ ರೀತಿ ಅವಲೋಕನ ವೆಬ್‌ ಸೈಟ್‌ನ ಪ್ರಕಾರ 2025ರ ಫೆಬ್ರುವರಿ ಅಂತ್ಯಕ್ಕೆ 2,36,162.67 ಕೋಟಿ ರು ಬಿಡುಗಡೆಯಾಗಿದೆ. ಕೆಡಿಪಿ ಸಭೆ ಪ್ರಕಾರ 2,43,739.66 ಕೋಟಿ ರು ಬಿಡುಗಡೆಯಾಗಿದೆ. ಇವೆರಡರ ಮಧ್ಯೆ 7,576.99 ಕೋಟಿ ರು ವ್ಯತ್ಯಾಸವಿದೆ.

 

ಹಾಗೆಯೇ 2025ರ ಫೆಬ್ರುವರಿ ಅಂತ್ಯಕ್ಕೆ ಒಟ್ಟು ವೆಚ್ಚಕ್ಕೆ ಸಂಬಂಧಿಸಿದಂತೆ ಅವಲೋಕನ ಪ್ರಕಾರ ಕೇವಲ 79,285.43 ಕೋಟಿ ರು ಮಾತ್ರ ವೆಚ್ಚವಾಗಿದೆ. ಆದರೆ ಕೆಡಿಪಿ ಸಭೆ ಪ್ರಕಾರ ಒಟ್ಟು 2,22,452.34 ಕೋಟಿ ರು ವೆಚ್ಚವಾಗಿದೆ. ಇವೆರಡರ ಮಧ್ಯೆ ಒಟ್ಟಾರೆ 1,43,166.91 ಕೋಟಿ ರು ವ್ಯತ್ಯಾಸ ಇರುವುದು ಮೇಲ್ನೋಟಕ್ಕೆ ಕಂಡು ಬಂದಿದೆ.

 

 

3,25,995.13 ಕೋಟಿ ರು ಪೈಕಿ ಫೆಬ್ರುವರಿ 10ರ ಅಂತ್ಯಕ್ಕೆ 2,43,739.66 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಯಾಗಿರುವ ಈ ಅನುದಾನದಲ್ಲಿ ಫೆಬ್ರುವರಿ ಅಂತ್ಯಕ್ಕೆ 2,22,452.34 ಕೋಟಿ ರು ವೆಚ್ಚ ಮಾಡಿರುವ ಇಲಾಖೆಗಳು ಬಿಡುಗಡೆಗೆ ಇನ್ನು 82,255.47 ಕೋಟಿ ರು. ಬಾಕಿ ಉಳಿಸಿಕೊಂಡಿತ್ತು.

 

ಆದರೆ ಅವಲೋಕನಕ ವೆಬ್‌ಸೈಟ್‌ ಪ್ರಕಾರ 3,22,045.31 ಕೋಟಿ ರು ಒಟ್ಟು ಅನುದಾನದಲ್ಲಿ 2,36,162.67 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ ಇನ್ಣು 85,882.64 ಕೋಟಿ ರು ಬಾಕಿ ಇದೆ.. ಒಟ್ಟು ಹಂಚಿಕೆಗೆ ಕೇವಲ ಶೇ.24.62ರಷ್ಟು ಮಾತ್ರ ಪ್ರಗತಿ ಆಗಿರುವುದು  ಅವಲೋಕನ  ವೆಬ್‌ಸೈಟ್‌ನಿಂದ ತಿಳಿದು ಬಂದಿದೆ.

 

 

ಇನ್ನು ಶೇ.75.38ರಷ್ಟು ಅನುದಾನವು ವೆಚ್ಚವೇ ಅಗಿಲ್ಲ ಎಂದು ಅವಲೋಕನ ವೆಬ್‌ಸೈಟ್‌ನಲ್ಲಿ ಉಲ್ಲೇಖಿಸಿದೆ.

 

 

 

ಕೆಡಿಪಿ ಸಭೆ ಪ್ರಕಾರ ಒಟ್ಟು ಅನುದಾನಕ್ಕೆ ಶೇ.68.24ರಷ್ಟು ಪ್ರಗತಿಯಾಗಿದೆ ಎಂದು ಗೊತ್ತಾಗಿದೆ.  ಅದೇ ರೀತಿ ಕೆಡಿಪಿ ಸಭೆಯಲ್ಲಿ ಇಲಾಖೆಗಳು ಮಂಡಿಸಿದ್ದ ಅಂಕಿ ಅಂಶಗಳ ಪ್ರಕಾರ  ಬಿಡುಗಡೆಯಾಗಿರುವ 2,43,739.66 ಕೋಟಿ ರು.ಗಳಲ್ಲಿ 21,287.35 ಕೋಟಿ ರು ಖರ್ಚು ಮಾಡದೇ ಬಾಕಿ ಇರಿಸಿಕೊಂಡಿದ್ದವು. ಕಳೆದ 2023-24ನೇ ಸಾಲಿನಲ್ಲಿ ಫೆಬ್ರುವರಿ 10ರ ಅಂತ್ಯಕ್ಕೆ 15,426.16 ಕೋಟಿ ರು ಖರ್ಚು ಮಾಡದೇ ಬಾಕಿ ಉಳಿಸಿಕೊಂಡಿತ್ತು. 2023-24ಕ್ಕೆ ಉಳಿಕೆ ಮೊತ್ತಕ್ಕೆ  ಹೋಲಿಸಿದರೇ 2024-25ನೇ ಸಾಲಿನ ಫೆ.10ರ ಅಂತ್ಯದ   5,861.19 ಕೋಟಿ ರು ಹೆಚ್ಚುವರಿಯಾಗಿ ಉಳಿಸಿಕೊಂಡಿತ್ತು.

 

2024-25 ಬಜೆಟ್‌; ಬಿಡುಗಡೆಗೆ 82,255.47 ಕೋಟಿ, ಖರ್ಚು ಮಾಡಲು 21,287.35 ಕೋಟಿ ರು ಬಾಕಿ

 

2024-25ನೇ ಸಾಲಿನ ಬಜೆಟ್‌ಗೆ ಸಂಬಂಧಿಸಿದಂತೆ 2025ರ ಫೆ.15ರಂದು ನಡೆಯಲಿರುವ ಕೆಡಿಪಿ ಸಭೆಗೆ ಇಲಾಖೆಗಳು ಮಂಡಿಸಿರುವ ಖರ್ಚು ವೆಚ್ಚದ ಅಂಕಿ ಅಂಶದ ಮಾಹಿತಿಯಲ್ಲಿನ ವಿವರಗಳಿಗೂ ಅವಲೋಕನ ವೆಬ್‌ಸೈಟ್‌ನಲ್ಲಿನ ಅಂಕಿ ಅಂಶದ ಮಧ್ಯೆ  ವ್ಯತ್ಯಾಸಗಳಿದ್ದರೂ ಸಹ ಅಧಿಕಾರಿಗಳು ಇದುವರೆಗೂ ಸರಿಪಡಿಸುವ ಗೋಜಿಗೆ ಹೋಗಿಲ್ಲ.

 

 

 

ಗ್ರಾಮೀಣಾಭಿವೃದ್ದಿ ಮತ್ತು ಪಂಚಾಯತ್‌ರಾಜ್‌ ಇಲಾಖೆಯಲ್ಲಿ 25, 792.96 ಕೋಟಿ ರು ಅನುದಾನದಲ್ಲಿ ಫೆಬ್ರುವರಿ 10ರ ಅಂತ್ಯಕ್ಕೆ 14,390 .66 ಕೋಟಿ ರು ಬಿಡುಗಡೆ ಮಾಡಿತ್ತು. ಬಿಡುಗಡೆಗೆ 11,405.3 ಕೋಟಿ ರು ಬಾಕಿ ಇದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ 13,48.42 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು ಖರ್ಚು ಮಾಡಲು ಇನ್ನೂ 952.24 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆಗೆ 37,449.40 ಕೋಟಿ ರು ಅನುದಾನದ ಪೈಕಿ 30.409.70 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ 7,039.7 ಕೋಟಿ ರು ಬಾಕಿ ಉಳಿಸಿಕೊಂಡಿರುವ ಇಲಾಖೆಯು ಫೆ.10ರ ಅಂತ್ಯಕ್ಕೆ 26,115.12 ಕೋಟಿ ರು ಖರ್ಚು ಮಾಡಿದೆ. ಖರ್ಚು ಮಾಡಲು ಇನ್ನು 4,294.58 ಕೋಟಿ ರು ಉಳಿಸಿಕೊಂಡಿತ್ತು.

 

ಪೌರಾಡಳಿತ ಇಲಾಖೆಗೆ 12,365.17 ಕೋಟಿ ರು ಪೈಕಿ 6,444.46 ಕೋಟಿ ರು ಅನುದಾನ ಬಿಡುಗಡೆಯಾಗಿದೆ. ಬಿಡುಗಡೆಗೆ 5,920.71 ಕೋಟಿ ರು ಬಾಕಿ ಉಳಿಸಿಕೊಂಡಿದೆ. ವಿಶೇಷವೆಂದರೇ ಫೆ.10ರ ಅಂತ್ಯಕ್ಕೆ 8,012.86 ಕೋಟಿ ರು ಖರ್ಚು ಮಾಡಿದೆ. ಬಿಡುಗಡೆಯಾಗಿರುವ ಅನುದಾನಕ್ಕಿಂತಲೂ  1,568.4 ಕೋಟಿ ರು ಹೆಚ್ಚುವರಿ ವೆಚ್ಚ ಮಾಡಿತ್ತು.

 

 

ಒಳಾಡಳಿತ ಇಲಾಖೆಗೆ ಒದಗಿಸಿದ್ದ  12,734.77 ಕೋಟಿ ರು ಅನುದಾನದಲ್ಲಿ 11,592.33 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ 1,139.44 ಕೋಟಿ ರು ಬಾಕಿ ಉಳಿಸಿಕೊಂಡಿರುವ ಇಲಾಖೆಯು ಫೆ.10ರ ಅಂತ್ಯಕ್ಕೆ 9,198.48 ಕೋಟಿ ರು ಖರ್ಚು ಮಾಡಿದೆ.  ಖರ್ಚು ಮಾಡಲು ಇನ್ನೂ 2,393.85 ಕೋಟಿ ರು ಬಾಕಿ ಇತ್ತು.

 

ಲೋಕೋಪಯೋಗಿ ಇಲಾಖೆಗೆ 10,769.12 ಕೋಟಿ ರು ಅನುದಾನದಲ್ಲಿ 7,303.67 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ ಇನ್ನೂ 3,465.45 ಕೋಟಿ ರು ಬಾಕಿ ಉಳಿಸಿಕೊಂಡಿದೆ. ಬಿಡುಗಡೆಯಾಗಿದ್ದ ಅನುದಾನದಲ್ಲಿ 5,975.92 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು ಖರ್ಚುಮಾಡಲು ಇನ್ನೂ 1,327.75 ಕೋಟಿ ರು ಬಾಕಿ ಇರಿಸಿಕೊಂಡಿತ್ತು.

 

ಗೃಹ ಲಕ್ಷ್ಮಿ ಯೋಜನೆಯನ್ನು ಅನುಷ್ಠಾನಗೊಳಿಸಿರುವ  ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಗೆ 33,062.51 ಕೋಟಿ ರು ಅನುದಾನ ಒದಗಿಸಿತ್ತು. ಇದರಲ್ಲಿ ಫೆ.10ರ ಅಂತ್ಯಕ್ಕೆ 22,747.88 ಕೋಟಿ ರು ಬಿಡುಗಡೆ ಮಾಡಿದೆ. ಬಿಡುಗಡೆಗೆ ಇನ್ನು 10,314.63 ಕೋಟಿ ರು ಬಾಕಿ ಇರಿಸಿಕೊಂಡಿದೆ. ಅದೇ ರೀತಿ ಬಿಡುಗಡೆಯಾಗಿರುವ ಅನುದಾನದಲ್ಲಿ 22,693.32 ಕೋಟಿ ರು ಖರ್ಚು ಮಾಡಿದೆ. ಖರ್ಚು ಮಾಡಲು ಇನ್ನೂ 54.56 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

 

ಕಂದಾಯ ಇಲಾಖೆಗೆ 3,149.53 ಕೋಟಿ ರು ಅನುದಾನ ಹಂಚಿಕೆಯಾಗಿತ್ತು. ಇದರಲ್ಲಿ 2,943.73 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ ಇನ್ನೂ 205.8 ಕೋಟಿ ರು ಬಾಕಿ ಉಳಿಸಿಕೊಂಡಿದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ 2,010.73 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು ಖರ್ಚು ಮಾಡಲು ಇನ್ನು 933 ಕೋಟಿ ರು ಬಾಕಿ ಇತ್ತು.

 

ಸಮಾಜ ಕಲ್ಯಾಣ ಇಲಾಖೆಗೆ ಒದಗಿಸಿದ್ದ  5,887.36 ಕೋಟಿ ರು ಅನುದಾನದ ಪೈಕಿ 4,322.42 ಕೋಟಿ ರು ಬಿಡುಗಡೆ ಮಾಡಿದೆ. ಬಿಡುಗಡೆಗೆ ಇನ್ನೂ 1,564.94 ಕೋಟಿ ರು ಬಾಕಿ ಉಳಿಸಿಕೊಂಡಿರುವ ಇಲಾಖೆಯು ಫೆ.10ರ ಅಂತ್ಯಕ್ಕೆ 3,543.00 ಕೋಟಿ ರು ಖರ್ಚು ಮಾಡಿದೆ. ಖರ್ಚು ಮಾಡಲು ಇನ್ನು 779.42 ಕೋಟಿ ರು ಬಾಕಿ ಇರಿಸಿಕೊಂಡಿತ್ತು.

 

ವಸತಿ ಇಲಾಖೆಗೆ ನೀಡಿದ್ದ 4,558.67 ಕೋಟಿ ರು ಅನುದಾನದ ಪೈಕಿ 2,185.38 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ ಇನ್ನು 2,373.29 ಕೋಟಿ ರು ಬಾಕಿ ಉಳಿಸಿಕೊಂಡಿದೆ. ಫೆ.10ರ ಅಂತ್ಯಕ್ಕೆ 2,681.94 ಕೋಟಿ ರು ವೆಚ್ಚ ಮಾಡಿರುವ ಇಲಾಖೆಯು ಖರ್ಚು ಮಾಡಲು ಇನ್ನೂ 496.56 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

ಉನ್ನತ ಶಿಕ್ಷಣ ಇಲಾಖೆಗೆ 5,784.89 ಕೋಟಿ ರು ಅನುದಾನದ ಪೈಕಿ 4,986.24 ಕೋಟಿ ಬಿಡುಗಡೆಯಾಗಿದೆ. ಬಿಡುಗಡೆಗೆ 798.65 ಕೋಟಿ ರು ಬಾಕಿ ಇದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ 4,285.51 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು ವೆಚ್ಚಕ್ಕೆ  ಇನ್ನು 700.73 ಕೋಟಿ ರು.ಗಳನ್ನು ಬಾಕಿ ಇರಿಸಿಕೊಂಡಿತ್ತು.

 

ಅರಣ್ಯ ಇಲಾಖೆಗೆ 2,829.57 ಕೋಟಿ ರು ಅನುದಾನದ ಪೈಕಿ 2,229.84 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ 599.73 ಕೋಟಿ ರು ಬಾಕಿ ಉಳಿಸಿಕೊಂಡಿದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ 1,619.71 ಕೋಟಿ ರು ಖರ್ಚು ಮಾಡಿದೆ. ವೆಚ್ಚ ಮಾಡಲು ಇನ್ನು 610.13 ಕೋಟಿ ರು ಬಾಕಿ ಇತ್ತು.

 

ಸಾಮಾಜಿಕ ಭದ್ರತೆಗೆ 15,243.73 ಕೋಟಿ ರು ಅನುದಾನದಲ್ಲಿ 14,174.00 ಕೋಟಿ ರು ಬಿಡುಗಡೆ ಮಾಡಿದೆ. 1,069.73 ಕೋಟಿ ರು ಬಿಡುಗಡೆಗೆ ಬಾಕಿ ಇರಿಸಿಕೊಂಡಿರುವ ಕಂದಾಯ ಇಲಾಖೆಯು ಬಿಡುಗಡೆಯಾಗಿರುವ ಅನುದಾನದಲ್ಲಿ   13,574.77 ಕೋಟಿ ರು ಖರ್ಚು ಮಾಡಿದೆ. ವೆಚ್ಚಕ್ಕೆ ಇನ್ನೂ 599.23 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

ಕೃಷಿ ಇಲಾಖೆಯು 5,293.86 ಕೋಟಿ ರು ನಲ್ಲಿ 3,412.90 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ ಇನ್ನು 1,880.96 ಕೋಟಿ ರು ಬಾಕಿ ಇದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ 3,115.02 ಕೋಟಿ ರು ವೆಚ್ಚ ಮಾಡಿದೆ. ಖರ್ಚು ಮಾಡಲು ಇನ್ನೂ 297.88 ಕೋಟಿ ರು ಬಾಕಿ ಇದೆ. ಸಹಕಾರ ಇಲಾಖೆಯಲ್ಲಿ 2,257.13 ಕೋಟಿ ರು ಅನುದಾನದಲ್ಲಿ 2,009.89 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ 247.24 ಕೋಟಿ ರು ಬಾಕಿ ಇರಿಸಿಕೊಂಡಿರುವ ಇಲಾಖೆಯು ಬಿಡುಗಡೆಯಾಗಿರುವ ಅನುದಾನದಲ್ಲಿ 1,512.05 ಕೋಟಿ ರು ಖರ್ಚು ಮಾಡಿದೆ. ವೆಚ್ಚಕ್ಕೆ 497.84 ಕೋಟಿ ರು ಬಾಕಿ ಇತ್ತು.

 

ಕಾನೂನು ಇಲಾಖೆಯು 2,481.81 ಕೋಟಿ ರು ಪೈಕಿ 2,253.13 ಕೋಟಿ ರು ಬಿಡುಗಡೆಯಾಗಿದೆ. 228.68 ಕೋಟಿ ರು ಬಿಡುಗಡೆಗೆ ಬಾಕಿ ಉಳಿಸಿಕೊಂಡಿದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ 1,811.41 ಕೋಟಿ ರು ವೆಚ್ಚ ಮಾಡಿರುವ ಇಲಾಖೆಯು, ವೆಚ್ಚಕ್ಕೆ 441.72 ಕೋಟಿ ರು ಬಾಕಿ ಇರಿಸಿಕೊಂಡಿತ್ತು.

 

ವೈದ್ಯಕೀಯ ಶಿಕ್ಷಣ ಇಲಾಖೆಯು 4,331.58 ಕೋಟಿ ರು ನಲ್ಲಿ 3,933.98 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ ಇನ್ನೂ 397.6 ಕೋಟಿ ರು ಬಾಕಿ ಉಳಿಸಿಕೊಂಡಿದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ 3,528.61 ಕೋಟಿ ರು ಖರ್ಚು ಮಾಡಿದೆ. ವೆಚ್ಚ ಮಾಡಲು ಇನ್ನೂ 405.37 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

ಹಿಂದುಳಿದ ವರ್ಗ ಕಲ್ಯಾಣ ಇಲಾಖೆಯು 3,613.45 ಕೋಟಿ ರು ನಲ್ಲಿ 2,428.83 ಕೋಟಿ ರು ಬಿಡುಗಡೆಯಾಗಿದೆ.  1,184.62 ಕೋಟಿ ರು.ಗಳನ್ನು ಬಿಡುಗಡೆಗೆ ಬಾಕಿ ಉಳಿಸಿಕೊಂಡಿರುವ ಇಲಾಖೆಯು ಫೆ.10ರ ಅಂತ್ಯಕ್ಕೆ 2,034.08 ಕೋಟಿ ರು ವೆಚ್ಚ ಮಾಡಿದೆ. ವೆಚ್ಚಕ್ಕೆ 394.75 ಕೋಟಿ ರು ಬಾಕಿ ಇತ್ತು.

 

ಪಶು ಸಂಗೋಪನೆ ಇಲಾಖೆಯು 3,519.26 ಕೋಟಿ ರು ಅನುದಾನದ ಪೈಕಿ 2,724.19 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ ಇನ್ನೂ 435.07 ಕೋಟಿ ರು ಬಾಕಿ ಉಳಿಸಿಕೊಂಡಿದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ 2,351.04 ಕೋಟಿ ರು ವೆಚ್ಚ ಮಾಡಿದೆ. ಖರ್ಚು ಮಾಡಲು 373.15 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

ಕೌಶಲ್ಯಾಭಿವೃದ್ದಿ ಇಲಾಖೆಯು 2,078.68 ಕೋಟಿ ರು ಅನುದಾನದಲ್ಲಿ 1,363.41 ಕೋಟಿ ರು ಬಿಡುಗಡೆಯಾಗಿದೆ. ಇದರಲ್ಲಿ 1,309.98 ಕೋಟಿ ರು ವೆಚ್ಚ ಮಾಡಿದೆ. ಬಿಡುಗಡೆಗೆ 715.27 ಕೋಟಿ ರು ಮತ್ತು ಬಿಡುಗಡೆಯಾಗಿರುವ ಅನುದಾನದಲ್ಲಿ 53.43 ಕೋಟಿ ರು ಬಾಕಿ ಇತ್ತು.

 

ತೋಟಗಾರಿಕೆ ಇಲಾಖೆಯಲ್ಲಿ 1,485.67 ಕೋಟಿ ರು ನಲ್ಲಿ ಬಿಡುಗಡೆಗೆ 1,071.70 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ ಇನ್ನೂ 413.97 ಕೋಟಿ ರು ಬಾಕಿ ಇರಿಸಿಕೊಂಡಿರುವ ಇಲಾಖೆಯು ಬಿಡುಗಡೆಯಾಗಿರುವ ಅನುದಾನದಲ್ಲಿ 1,079.96 ಕೋಟಿ ರು ಖರ್ಚು ಮಾಡಿದೆ. ಬಿಡುಗಡೆಯಾಗಿರುವ ಅನುದಾನಕ್ಕಿಂತಲೂ 8.26 ಕೋಟಿ ರು ಹೆಚ್ಚುವರಿಯಾಗಿ ವೆಚ್ಚ ಮಾಡಿತ್ತು.

 

ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆಯಲ್ಲಿ 3,059.84 ಕೋಟಿ ರು ಅನುದಾನದ ಪೈಕಿ 2,079.75 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ 980.09 ಕೋಟಿ ರು ಬಾಕಿ ಇದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ 1,835.73 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು 244.02 ಕೋಟಿ ರು ಗಳನ್ನು ವೆಚ್ಚ ಮಾಡಲು ಬಾಕಿ ಉಳಿಸಿಕೊಂಡಿತ್ತು.

 

ಜಲಸಂಪನ್ಮೂಲ ಇಲಾಖೆಯು 16,863.22 ಕೋಟಿ ರು ಅನುದಾನದ ಪೈಕಿ 9,870.98 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ 6,992.24 ಕೋಟಿ ರು ಬಾಕಿ ಇದೆ. ಬಿಡುಗಡೆಯಾಗಿರುವ ಅನುದಾನಕ್ಕಿಂತಲೂ 403.86 ಕೋಟಿ ರು ಸೇರಿ ಒಟ್ಟಾರೆ 10,274.84 ಕೋಟಿ ರು ವೆಚ್ಚವಾಗಿತ್ತು.

 

ಪರಿಶಿಷ್ಟ ಪಂಗಡ ಇಲಾಖೆಯು 1,819.97 ಕೋಟಿ ರು ಅನುದಾನದಲ್ಲಿ 916.36 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಗೆ ಇನ್ನೂ 903.61 ಕೋಟಿ ರು ಬಾಕಿ ಇರಿಸಿಕೊಂಡಿರುವ ಇಲಾಖೆಯು ಇದುವರೆಗೆ 721.10 ಕೋಟಿ ರು ಖರ್ಚು ಮಾಡಿದೆ. ವೆಚ್ಚಕ್ಕೆ 195.26 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

ವಾಣಿಜ್ಯ (ಸಣ್ಣ ಜವಳಿ, ಗಣಿ) ಇಲಾಖೆಗೆ 1,239.70 ಕೋಟಿ ರು ಅನುದಾನದ ಪೈಕಿ 750.98 ಕೋಟಿ ರು ಬಿಡುಗಡೆಯಾಗಿದೆ. ಬಿಡುಗಡೆಯಾಗಿರುವ ಅನುದಾನದಲ್ಲಿ  558.65 ಕೋಟಿ ರು ವೆಚ್ಚ ಮಾಡಿರುವ ಇಲಾಖೆಯು ಬಿಡುಗಡೆಗೆ ಇನ್ನು 488.72 ಕೋಟಿ ರು ಮತ್ತು ವೆಚ್ಚಕ್ಕೆ 192.33 ಕೋಟಿ ರು ಬಾಕಿ ಇತ್ತು.

 

ಆಹಾರ ಇಲಾಖೆಯು 7,935.88 ಕೋಟಿ ರು ಅನುದಾನದಲ್ಲಿ 5,089.82 ಕೋಟಿ ರು ಬಿಡುಗಡೆಯಾಗಿದೆ. ಇನ್ನೂ 2,846.06 ಕೋಟಿ ರು ಬಿಡುಗಡೆಗೆ ಬಾಕಿ ಇರಿಸಿಕೊಂಡಿದೆ. ಈಗಾಗಲೇ ಬಿಡುಗಡೆಯಾಗಿರುವ ಅನುದಾನದಲ್ಲಿ 4,917.33 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು ವೆಚ್ಚಕ್ಕೆ 172.49 ಕೋಟಿ ರು ಬಾಕಿ ಉಳಿಸಿಕೊಂಡಿದೆ. ಮೂಲಭೂತ ಸೌಕರ್ಯ ಇಲಾಖೆಯು 952.00 ಕೋಟಿ ರು ಅನುದಾನದ ಪೈಕಿ 810.83 ಕೋಟಿ ರು ಬಿಡುಗಡೆ ಮಾಡಿದೆ. ಈ ಪೈಕಿ 666.83 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು ವೆಚ್ಚಕ್ಕೆ 144.00 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

ಕಾರ್ಮಿಕ ಇಲಾಖೆಯು 777.70 ಕೋಟಿ ರು ಪೈಕಿ 629.32 ಕೋಟಿ ರು ಬಿಡುಗಡೆಯಾಗಿದೆ. ಇದರಲ್ಲಿ 518.32 ಕೋಟಿ ರು ವೆಚ್ಚ ಮಾಡಿರುವ ಇಲಾಖೆಯು ಖರ್ಚು ಮಾಡಲು ಇನ್ನೂ 110. 67 ಕೋಟಿ ರು ಮತ್ತು ಬಿಡುಗಡೆಗೆ ಇನ್ನು 148.38 ಕೋಟಿ ರು ಬಾಕಿ ಇತ್ತು.

 

ಸಣ್ಣ ನೀರಾವರಿ ಇಲಾಖೆಯು 2,367.89 ಕೋಟಿ ರು.ನಲ್ಲಿ 1,871.56 ಕೋಟಿ ರು ನಲ್ಲಿ 1,871.56 ಕೋಟಿ ರು ಬಿಡುಗಡೆಯಾಗಿದೆ. ಇದರಲ್ಲಿ 1,761.95 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು ವೆಚ್ಚಕ್ಕೆ ಇನ್ನು 109.61 ಕೋಟಿ ರು ಮತ್ತು ಬಿಡುಗಡೆಗೆ ಇನ್ನೂ 496.33 ಕೋಟಿ ರು ಬಾಕಿ ಇರಿಸಿಕೊಂಡಿದೆ. ಸಾರಿಗೆ ಇಲಾಖೆಯು ಸಹ 6,526.37 ಕೋಟಿ ರು ನಲ್ಲಿ 5,060.83 ಕೋಟಿ ರು ಬಿಡುಗಡೆ ಮಾಡಿತ್ತು.   ಇದರಲ್ಲಿ 5,000.13 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು ಬಿಡುಗಡೆಗೆ 1,465.54 ಕೋಟಿ ರು ಮತ್ತು ಖರ್ಚು ಮಾಡಲು 60.7 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

ಯುವ ಸಬಲೀಕರಣ ಇಲಾಖೆಯು 249.60 ಕೋಟಿ ರು.ನಲ್ಲಿ 198.19 ಕೋಟಿ ರು ಬಿಡುಗಡೆ ಮಾಡಿದೆ. ಇದುವರೆಗೆ 140.40 ಕೋಟಿ ರು ವೆಚ್ಚ ಮಾಡಿರುವ ಇಲಾಖೆಯು ಖರ್ಚು ಮಾಡಲು ಇನ್ನೂ 57.79 ಕೋಟಿ ರು ಮತ್ತು ಬಿಡುಗಡೆಗೆ 51.41 ಕೋಟಿ ರು ಬಾಕಿ ಇರಿಸಿಕೊಂಡಿದೆ. ರೇಷ್ಮೆ ಇಲಾಖೆಯಲ್ಲಿಯೂ ಸಹ 396.61 ಕೋಟಿ ರು ಪೈಕಿ 290.69 ಕೋಟಿ ರು ಬಿಡುಗಡೆಯಾಗಿದೆ. ಇದರಲ್ಲಿ 243.17 ಕೋಟಿ ರು ಖರ್ಚು ಮಾಡಿರುವ ಇಲಾಖೆಯು ಬಿಡುಗಡೆಗೆ 105.92 ಕೋಟಿ ರು., ಖರ್ಚು ಮಾಡಲು 47.57 ಕೋಟಿ ರು ಬಾಕಿ ಇತ್ತು.

 

 

ಕನ್ನಡ ಸಂಸ್ಕೃತಿ ಇಲಾಖೆಯು 304.11 ಕೋಟಿ ರು ಲ್ಲಿ 257.07 ಕೋಟಿ ರು ಬಿಡುಗಡೆ ಮಾಡಿದೆ. ಇದರಲ್ಲಿ 209.64 ಕೋಟಿ ರು ಖರ್ಚು ಮಾಡಿದೆ. ಬಿಡುಗಡೆಗೆ 47.04 ಕೋಟಿ ರು ಮತ್ತು ಖರ್ಚು ಮಾಡಲು 47.64 ಕೋಟಿ ರು ಬಾಕಿ ಇದೆ. ಪ್ರವಾಸೋದ್ಯಮ ಇಲಾಖೆಯು 372.16 ಕೋಟಿ ರು ನಲ್ಲಿ 341.50 ಕೋಟಿ ರು ಬಿಡುಗಡೆಯಾಗಿದೆ. ಇದರಲ್ಲಿ 297.32 ಕೋಟಿ ರು ವೆಚ್ಚ ಮಾಡಿರುವ ಇಲಾಖೆಯು ಖರ್ಚು ಮಾಡಲು 44.18 ಕೋಟಿ ರು ಮತ್ತು ಬಿಡುಗಡೆಗೆ 30.66 ಕೋಟಿ ರು ಬಾಕಿ ಉಳಿಸಿಕೊಂಡಿತ್ತು.

 

ಮೀನುಗಾರಿಕೆ ಇಲಾಖೆಯು 323.09 ಕೋಟಿ ರು. ನಲ್ಲಿ 188.94 ಕೋಟಿ ರು ಬಿಡುಗಡೆ ಮಾಡಿರುವ ಇಲಾಖೆಯು ಈಗಾಗೇಲ 161.35 ಕೋಟಿ ರು ವೆಚ್ಚ ಮಾಡಿದೆ. ಖರ್ಚು ಮಾಡಲು 27.59 ಕೋಟಿ ರು ಮತ್ತು ಬಿಡುಗಡೆಗೆ 134.15 ಕೋಟಿ ರು ಬಾಕಿ ಉಳಿಸಿಕೊಂಡಿದೆ. ಅದೇ ರೀತಿ ಇಂಧನ ಇಲಾಖೆಯು 23,210.87 ಕೋಟಿ ರು ನಲ್ಲಿ 20,665.74 ಕೋಟಿ ರು ಬಿಡುಗಡೆಯಾಗಿದೆ. ಇದುವರೆಗೆ 20,642.09 ಕೋಟಿ ರು ವೆಚ್ಚ ಮಾಡಿದೆ. ಬಿಡುಗಡೆಗೆ 2,555.13 ಕೋಟಿ ರು ಮತ್ತು ಖರ್ಚು ಮಾಡಲು 13.65 ಕೋಟಿಯಷ್ಟೇ ಬಾಕಿ ಇರಿಸಿಕೊಂಡಿತ್ತು.

 

ಪ್ರಸಕ್ತ 2024-25ನೇ ಸಾಲಿನ ಬಜೆಟ್‌ನಲ್ಲಿ ಒದಗಿಸಿದ್ದ ಒಟ್ಟು ಅನುದಾನದಲ್ಲಿ  ಡಿಸೆಂಬರ್‍ ಅಂತ್ಯಕ್ಕೆ ಶೇ.57.34ರಷ್ಟು ಮಾತ್ರ ವೆಚ್ಚವಾಗಿದೆ. ಕಳೆದ ಸಾಲಿನ ವೆಚ್ಚಕ್ಕೆ ಹೋಲಿಸಿದರೇ ಈ ಸಾಲಿನ ಡಿಸೆಂಬರ್‍‌ ಅಂತ್ಯಕ್ಕೆ ಕೇವಲ  ಶೇ.2.3ರಷ್ಟು ಮಾತ್ರ ಪ್ರಗತಿಯಾಗಿತ್ತು.

 

 

ಡಿಸೆಂಬರ್ ಅಂತ್ಯಕ್ಕೆ ಶೇ.57.34ರಷ್ಟು ಮಾತ್ರ ವೆಚ್ಚ, ಕಳೆದ ಸಾಲಿಗೆ ಹೋಲಿಸಿದರೆ ಕೇವಲ ಶೇ.2.3ರಷ್ಟೇ ಪ್ರಗತಿ

 

 

ಅಕ್ಟೋಬರ್‌ 21ರಂದೇ ನಡೆದಿದ್ದ ಕೆಡಿಪಿ ಸಭೆಯ ನಡವಳಿಯಲ್ಲೇ ದಾಖಲಾಗಿದ್ದರೂ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು   ಬಜೆಟ್‌ ಅನುದಾನದಲ್ಲಿ  ಶೇ.46ರಷ್ಟು ವೆಚ್ಚ ಮಾಡಲಾಗಿದೆ ಎಂದು   ಹೇಳಿದ್ದರು.

 

ಕೆಡಿಪಿ ಪ್ರಕಾರ ಶೇ.35.41ರಷ್ಟೇ ಪ್ರಗತಿ, ಸಿಎಂ ಪ್ರಕಾರ ಶೇ.46ರಷ್ಟು ವೆಚ್ಚ; ವಾಸ್ತವ ಮರೆಮಾಚಲಾಗಿದೆಯೇ?

 

 

2024-25ನೇ ಸಾಲಿನಲ್ಲಿ ಆಯವ್ಯಯ ಅಂದಾಜು 3,11,586, ಪ್ರಾಥಮಿಕ ಶಿಲ್ಕು 17,574 ಕೋಟಿ ಸೇರಿ  ಒಟ್ಟು 3,29,160 ಕೋಟಿ ರು. ಇದೆ. ಈ ಪೈಕಿ ಅಕ್ಟೋಬರ್‍‌ 21ರ ಅಂತ್ಯಕ್ಕೆ 1,50,834.97 ಕೋಟಿ ರು. ಬಿಡುಗಡೆ ಆಗಿದೆ. ಇದರಲ್ಲಿ 1,33,827.97 ಕೋಟಿ ರು. ಖರ್ಚಾಗಿದೆ. ಒಟ್ಟು ಅನುದಾನಕ್ಕೆ ಶೇ. 35.41ರಷ್ಟು ಪ್ರಗತಿಯಾಗಿತ್ತು.

 

ಶೇ.35.41ರಷ್ಟು ವೆಚ್ಚ; ಹಗರಣಗಳಲ್ಲಿ ಉಸಿರು ಕಟ್ಟಿದ ಸರ್ಕಾರ, ಮೈಗಳ್ಳರಿಗೆ ಸ್ವರ್ಗಸೀಮೆಯಾಯಿತೇ?

 

ಉಪ ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ್‍‌ ಅವರು ಸಚಿವರಾಗಿರುವ ನಗರಾಭಿವೃದ್ಧಿ ಇಲಾಖೆಯಲ್ಲಿಯೂ ಕಡಿಮೆ ಪ್ರಗತಿ ಆಗಿದೆ. ಸ್ವಚ್ಛ ಭಾರತ (ನಗರ) ಕಾರ್ಯಕ್ರಮಗಳಡಿಯಲ್ಲಿ ಆರಂಭಿಕ ಶಿಲ್ಕಿನ ರೂಪದಲ್ಲಿ 1,012.00 ಕೋಟಿ ರು. ಇದೆ. ಆದರೆ ಬಹಳ ಕಡಿಮೆ ವೆಚ್ಚವಾಗಿತ್ತು.

 

 

ಅರ್ಧ ವರ್ಷ ಕಳೆದರೂ 22 ಇಲಾಖೆಗಳಲ್ಲಿ ಖರ್ಚೇ ಆಗದ 32,250.02 ಕೋಟಿ; ಕುಸಿದ ಆಡಳಿತ ಯಂತ್ರ?

 

 

ಸಣ್ಣ ನೀರಾವರಿ ಇಲಾಖೆಗೆ ಹಂಚಿಕೆಯಾಗಿದ್ದ ಒಟ್ಟು 2,388.49 ಕೋಟಿ ರು. ಅನುದಾನದ ಪೈಕಿ 1,003.54 ಕೋಟಿ ರು (ಶೇ.42.02) ಬಿಡುಗಡೆಯಾಗಿದೆ. ಇದರಲ್ಲಿ ಸೆ.21ರ ಅಂತ್ಯಕ್ಕೆ 761.92 ಕೋಟಿ ರು. ಮಾತ್ರ ಖರ್ಚಾಗಿದೆ. ಖರ್ಚು ಮಾಡಲು ಇನ್ನೂ 241.63 ಕೋಟಿ ರು. ಬಾಕಿ ಇತ್ತು.

 

ವಿಲೇವಾರಿಗೆ ಬಾಕಿ ಇವೆ 1.69 ಲಕ್ಷ ಕಡತಗಳು; ಕುಂತಲ್ಲೇ ಕುಳಿತಿದೆ ಮೈಗಳ್ಳರ ಸರ್ಕಾರ!

 

2023-24ನೇ ಸಾಲಿಗೆ ಹೋಲಿಸಿದರೇ ಸೆಪ್ಟಂಬರ್‍‌ ಅಂತ್ಯಕ್ಕೆ ಶೇ. 31ರಷ್ಟು ಅನುದಾನ ಖರ್ಚು ಮಾಡಿತ್ತು. 2024-25ನೇ ಸಾಲಿನ ಸೆಪ್ಟಂಬರ್‍‌ ಅಂತ್ಯಕ್ಕೆ ಶೇ. 34.96ರಷ್ಟಿತ್ತು. ಕಳೆದ ವರ್ಷಕ್ಕೆ ಹೋಲಿಸಿದರೆ ಇದೇ ಅವಧಿಯಲ್ಲಿ ಶೇ.3ರಷ್ಟು ಮಾತ್ರ ಖರ್ಚಾಗಿದ್ದನ್ನು ಸ್ಮರಿಸಬಹುದು.